هذه الموقع يحتوي على قصائد مختارة. نحرص على اختيار المميز منها. واختيار شعراء قبيلة حرب بالدرجة الاولى.
من أجمل الابيات والتي اصبحت تتناقل ودارجة على السن الناس
هذه الابيات الجميلة لشاعر حرب هواش السليمي رحمه الله يقول فيها:
راع الردى لا تكرهونه على الطيب
العبد ما له غير ما الله كتب له
اشهد شهادة حق مدح الردي عيب
مثل الصلاة اللي على غير قبله
الشاعر: هواش السليمي
من أجمل والذ القصائد اللي ممكن تقراها سهولة معنى وحبك وتستغرب نظزها
ولما تفكر كيف تنظمها تجدها من السهل الممتنع
للشاعر قبيلة حرب المبدع عبدالله بن زويبن رحمه الله
==================================
إن كان تنشد عن علومي وأنا صبي
ابتذكرها واعلمك عنها
لو هي بصفحات ٍ طواها الزمن طي
جرة مطر جاها عجاج ودفنها
ألعب طواريق الهوى مع هل الغي
اثقل المعنى واخفف لحنها
والشعر يبقى في قلوب العرب حي
ولا كل من سوى القصيدة تكنها
وأنا حداها حدي الاصعاب بعصي
واقودها قود الاديب برسنها
والحب مردوده على صاحبه سي
كم ضحكة ونَات قلبي ثمنها
أذكر سنة تسعه وتسعين هجري
الف وثلاثمية بداية زمنها
زلت بي الاقدام للشمس من فيَ
اقدار والاقدار تومر وتنهى ّ
غافل وجتني من كوت خافقي كي
كية عطب لولا طبيب مكنها
أبعدت مضربها عن الصدر بيدي
ولدَت على كبدي برمح طعنها
وعرفت ما تخفيه في صدرها لي
من واقع النظرات مني ومنها
نظرت فيها مثل نظراتها في
وعجزت اقاومها وصديت عنها
كل النساء ظلماء وهي بينهن ضي
غطت شعاع الشمس أشعة بدنها
من الذهب تلبس خلاخيل وحلي
سود محاجرها وحمر وجنها
مدري تسمى من ومنين ومن أي
وش هي قبيلتها وموقع سكنها
راحت وانا مااعرف من اخبارها شي
الا رموز الموتر اللي حضنها
مدينة من بين ابو ظبي ودبي
لعلها كاننها هي وطنها
تمطر عليها السحب هذي ورى ذي
وديم الليا قفى تراها ودنها
=======================================
الشاعر: عبدالله بن زويبن
الذيب لو هو ينوكل شويت من لحمه كباب
انا سليمي وافتخر واهل المليحا عزوتي
السيف لو قام يتحدث قال ما شد النصاب
مثل السليمي دون قاصر بالدهاه النقوتي
الارض يوم المعركه تقول غاشيها ضباب
لسان حال المعتدي بس السلامة منوتي
كتبتها بالريشة اللي ما تخط الا الصواب
ارويتها من ما الذهب واعيش فيها نشوتي
الشاعر : مهيد الحربي
نار التفاكير من عامين وهاجه
نرشها وتهدا وتعود تنضجنا
انا دخيلك عن الهاجوس وازعاجه
لا راح الاوناس عنا قام يزعجنا
لو ان هداج عنده طلق حجاجه
دلو ماهي من دلانا ما تبرهجنا
الناس كل على ساسه ومنهاجه
لو يختلف وقتنا ما اخلف مناهجنا
نحتاج حاجة وكنا مالنا حاجه
كنز القناعه كفانا في حوايجنا
يا منشي في سماك مزون تجاجه
لا نحرج أنسان والا انسان يحرجنا
عفوك وسترك وطبع الناس هراجه
من شر هذا الزمان الله يخارجنا
الشاعر : مهيد الحربي
مما بصدري سجتي وادّراجي
اجادل الهاجوس ويقول توّي
خسارتي عرفتها من خراجي
صبري عويني كل ما شان جوّي
ان غيّمت والا غشاها عجاجي
ما دمت صابر ما به انسان قوّي
نفخ المقرد ما يطفي سراجي
أشب بصدور المقاريد ضوّي
صرخة رفيقي ما تعكر مزاجي
أخير ليّه من تبسم عدوّي
طلقٍ حجاجه لانطلاقة حجاجي
ما فيه في قلبه ضغينه وسُوّي
لا بارك الله في ردي الهماجي
اللي طريقه بالحياه أمتلوّي
والله يا لو هداج تيما هماجي
ما صار صيته بالوسيعه يدوّي
الشاعر : مهيد الحربي
ابو العتاهية اختصر الدنيا في 6 ابيات شعرية جميله جدا تستحق التأمل.
نأتي إلى الدنيا و نحن سواسية
طفلُ الملوك هنا، كطفل الحاشية
و نُغادر الدنيا و نحن كما ترى
مُتشابهون على قبور حافية
أعمالنا تُعلي و تَخفض شأننا
و حسابُنا بالحق يوم الغاشية
حور و أنهار، قصورعالية
و جهنمٌ تُصلى، و نار حامية
فاختر لنفسك ما تُحب و تبتغي
ما دام يومُك و الليالي باقية
وغداً مصيرك لا تَراجع بعده
إما جنان الخلد و إما الهاوية
الشاعر : أبو العتاهيه
قالوا تمنّ وقلت يقبل صيامي
والمصحف اختمه ثلاثين مره
واحفظ لساني عن كثر الكلامي
قبل يورّدني لحوض المضرّه
يا رب الجنه وحسن الختامي
هذي هي الغاية وسرّه وقرّه
والمسلمين الطاهرين الحشامي
ادعي لهم بالمغفرة والمسرّه
لشاعرها